Освен новите министри, процесот на реконструкција на кабинетот може да доведе и до прераспределба на министерските ресори. Премиерот Мицкоски вели дека разговорите со коалициските партнери продолжуваат оваа недела. Тој очекува целиот процес да биде финализиран и формализиран до крајот на викендот.
Претседателот на Собранието, Гаши, истакнува дека предлогот за реконструкција ќе влезе во процедура во законодавниот дом штом ќе биде поднесен од Владата.
Во врска со актуелните политички пораки за можни предвремени парламентарни избори, Гаши нагласи дека, во принцип, поддржува одржување редовни избори, нагласувајќи ја потребата од политичка стабилност во земјата. Сепак, Гаши додава дека доколку мнозинството одлучи поинаку, тој нема да се спротивстави на тоа.