Во вторник, претседателот на Уставниот суд Костадиновски изјави дека се формирани четири случаи во врска со системот „Сејф сити“. Тој додаде дека ќе има брза акција по тоа прашање.
Проектот, оцени Костадиновски, им покажа на сите дека менталитетот може да се промени.
На прашањето за номинацијата на универзитетскиот професор и советник на премиерот Гоце Наумовски за судија на Уставниот суд, за која ќе се расправа во Собранието на 18 февруари, Костадиновски изјави дека важна е лојалноста кон Уставот, додавајќи дека самиот бил советник на тројца македонски претседатели.
Во врска со предлогот на ДУИ, Бадентеровиот принцип да го користи Судот при донесувањето одлуки, Костадиновски истакна дека принципот е многу значаен, но во однос на политичките органи како што е Собранието.
Кога станува збор за Законот за употреба на јазиците, претседателот на Судот рече дека заклучокот за подготвителна седница не е променет.
Во врска со барањето студентите да можат да полагаат правосуден испит на албански јазик, тој рече дека нема да коментира со оглед на тоа што постои случај во врска со Законот за употреба на јазиците.