Кривичниот суд ги појаснува правилата за одредување казна за Корабоски

Во петок започнува судењето на 31-годишниот Кристијан Корабоски, кој е обвинет во случајот поврзан со 26-годишната Сара Ѓорѓиеска. Тој ќе одговара за три кривични дела: телесна повреда, противправно лишување од слобода и загрозување на сигурноста.

Казните за секое од овие кривични дела се движат од шест месеци до три години затвор. Иако вкупната максимална казна би изнесувала девет години, во случај на повеќе кривични дела, доколку биде прогласен за виновен, на Корабоски ќе му биде изречена една, единствена затворска казна. Ова е предвидено со член 45 од Кривичниот законик.

„За сторител кој со умисла ќе изврши две или повеќе временски поврзани дејствија што претставуваат повеќекратно извршување на исто кривично дело, притоа користејќи го истиот траен однос, истите можности или други слични околности, судот ќе изрече една единствена казна во рамките на пропишаната казна за тоа кривично дело“, појаснија од Кривичниот суд.

Comments

No comments yet. Why don’t you start the discussion?

Leave a Reply

Your email address will not be published. Required fields are marked *