Владата донесе одлука да побара итно мислење од Венецијанската комисија во врска со предложениот модел за спроведување на правосудниот испит. Овој чекор, како што соопшти Владата во вторникот, ќе овозможи независна меѓународна експертска оценка за усогласеноста на предложеното решение со Уставот, меѓународните правни инструменти и европските стандарди.
Исто така, беше наведено дека известителите на Венецијанската комисија ќе одржат средби со претставници на релевантните институции, политичките партии застапени во Собранието, деканите на петте правни факултети, како и со претставници на студентските организации.
Предвидени се и практични демонстрации: за писмениот дел во Апелациониот суд во Скопје, а за усниот дел – во Министерството за правда.