Клиентите на „Алта банка“ – Битола од денеска можат повторно да ги користат услугите за електронско и мобилно банкарство, соопшти Народната банка во вторникот. Електронското и мобилното банкарство ќе бидат достапни во рамките на утврдените лимити. Од среда (11 ноември), со работа ќе продолжи и експозитурата на банката во Скопје, лоцирана во населбата Аеродром. Политичките обвинувања во врска со случајот продолжуваат.
„Премиерот Мицкоски вели дека нашол купувачи за ’Алта банка‘ – во кое својство? Што е премиерот Мицкоски? Дилер, посредник, пронаоѓач на потенцијални купувачи за домашни банки?“, праша лидерот на СДСМ, Филипче.
Од друга страна, ВМРО-ДПМНЕ повторно изнесе тврдење дека за време на владеењето на СДСМ, преку „Еуростандард банка“ биле префрлани средства поврзани со Венецуела.