Вонредниот инспекциски надзор во Центарот за социјална работа Гевгелија не констатира пропусти во постапувањето на институцијата во врска со случајот со 17-годишната Билјана Кириќ од Богданци. Инспекторите за социјална заштита, по прегледување на официјалната документација, утврдиле дека Центарот постапил во рамките на законските надлежности и презел соодветни мерки за заштита на малолетникот.
Ова е официјалниот заклучок на увидот што уследи по убиството на малолетното девојче. Граѓаните и понатаму бараат целосно расчистување на случајот, утврдување на потенцијалните институционални пропусти и одговорност. Се чекаат и резултатите од обдукцијата.