Апелациониот суд го ослободи Бојан Јовановски (познат како „Боки 13“) во случајот Меѓународна алијанса. Тој и претходно беше осуден од Кривичниот суд на пет години затвор за измама и перење пари.
Предметот се однесуваше на, според обвинителството, измама на двајца бизнисмени кои заедно со Јовановски требало да градат старечки домови. Апелациониот суд утврди дека со изведените докази не е докажано дека обвинетите ги сториле кривичните дела за кои се товарат.
Јовановски ја коментираше пресудата, велејќи дека правната измислица на (тогашната обвинителка) Вилма Русковска и судијката Софче Гаврилова-Ефремова паднала.