Обвинителката Спасенка Андонова од Основното јавно обвинителство за гонење организиран криминал и корупција смета дека се неприфатливи предлозите на одбраната сопственикот на „Пулс“, Дејан Јованов, и неговиот син да сведочат на судењето против деветмина полициски службеници. Тие се обвинети дека овозможиле ноќниот клуб да добие дозвола за работа, иако не биле извршени соодветни проверки во однос на паркинг-просторот и прекршувањата на јавниот ред и мир.
Некои од адвокатите на одбраната побараа од судот да ги отфрли сите наводи на обвинителството. Тие истакнаа дека обвинителството обезбедило докази, но ги доставило селективно – односно, само оние што го поткрепуваат обвинителниот акт.