Во отсуство на опозицијата, пратениците од владејачкото мнозинство ги усвоија измените на Законот за јавни набавки, со кои се воведува развој на дигитални алатки, па дури и на вештачка интелигенција во системите за набавки. Беа усвоени и други измени.
Се воведува задолжителната примена на критериумот за најдобар сооднос цена-квалитет, што значи дека при изборот на најповолна понуда, покрај цената, квалитетот и долгорочната исплатливост ќе се води сметка и за тоа, соопшти Министерството за финансии.
Според институцијата, се зголемува транспарентноста во процесот на набавки. Но, невладиниот сектор кој ги следи неправилностите на ова поле забележува дека немало јавна расправа, ниту мислење од Државната комисија за спречување на корупцијата (ДКСК) за измените.
Центарот за граѓански комуникации побара Собранието да го одложи процесот на усвојување поради одредби кои „покренуваат сериозна загриженост“.