Од четврток, граѓаните ќе можат да ги користат своите лични карти и возачки дозволи преку мобилните телефони, со официјалното пуштање во употреба на дигиталниот паричник. Апликацијата ќе биде претставена во среда, на 28 октомври.
Министерот за дигитална трансформација, Андоновски, во понеделникот изјави дека апликацијата е безбедна и им овозможува на корисниците сами да изберат кои лични податоци сакаат да ги споделат. Ова го означува почетокот на процесот кон воведување европски дигитален паричник, кој има за цел да овозможи целосна дигитализација на документите, нагласи тој.