Во вторникот, Основниот суд во Кочани, по предлог на Основното јавно обвинителство, одреди мерка притвор во траење од 30 дена за Ива Михаилова. Оваа одлука значи дека штом Михаилова ќе биде пронајдена и обезбедена, таа ќе биде спроведена во притвор, а во меѓувреме за неа ќе бидат распишани централна и меѓународна потерница.
Исто така во вторникот, во интервју за „Сител“, министерот за внатрешни работи Тошковски изјави дека неговата институција истиот ден ќе започне постапка за распишување меѓународна потерница по Михаилова. Тој нагласи дека Михаилова незаконски ја напуштила земјата.
Неколку часа по интервјуто, Министерството издаде централна и меѓународна потерница. Михаилова, која поседува двојно државјанство (на Северна Македонија и на Бугарија) и е обвинета за предизвикување сообраќајна несреќа со смртни последици во Северна Македонија, од понеделникот се наоѓа во Бугарија.