
Во понеделникот во Кривичниот суд продолжи судењето за случајот „Клиника за онкологија 1“, во кој поранешниот директор на Клиниката, Нино Васев, и двајца други онколози се обвинети за несовесно лекување на пациенти.
Пациент со метастатски карцином на црниот дроб живеел 38 месеци – во ситуација кога стапката на преживување изнесува 24 месеци, и тоа само доколку се применува современа системска терапија – изјави вештакот на одбраната, кој на рочиштето одговараше на прашања од обвинителството.
Двете страни ги изнесоа своите аргументи во врска со ефикасноста на терапијата, односно дали таа била навремена, со соодветно дозирање и соодветна за болеста. Според одбраната, прашањето дали комбинирањето на повеќе лекови може да предизвика токсичен ефект е тема за научен симпозиум, а не за дискусија во судска постапка.
Сепак, обвинителите инсистираа техничкиот советник – иако не е онколог – да појасни како заклучил дека пациентите биле соодветно лекувани.