Во вторникот, премиерот Мицкоски и министерот за надворешни работи Муцунски присуствуваа на отворањето на Генералната дебата во рамките на 81-та сесија на Генералното собрание на ОН. Мицкоски на социјалните мрежи истакна дека гордо ја претставувале земјата на местото каде што се носат важни одлуки за светот.
Делегацијата предводена од Мицкоски учествуваше и на седницата во рамките на Собранието, со кое претседаваше претседателот на Европскиот совет, Коста.
„Момент на важни дискусии и размена на мислења за прашања од глобално значење, во рамките на највисоката меѓународна платформа за дијалог и соработка“, напиша Мицкоски во посебна објава на социјалните мрежи.
Премиерот и Муцунски учествуваа и на Самитот за партнери за мултилатерализам. Покрај тоа, во рамките на посетата на САД, Мицкоски оствари средби со претставници на американската воена индустрија и со официјални претставници на американската администрација задолжени за тој сектор.