Обвинителството за гонење на организиран криминал и корупција, предводено од Ислам Абази, ја презеде истрагата за палежот на бугарските дипломатски возила во Скопјe на 15 јуни.
Истражителите идентификуваа потенцијални елементи на кривичното дело за загрозување на лица под меѓународна заштита, со оглед на тоа што возилата ги користеле бугарското воено аташе и друг персонал на Амбасадата. Побарана е мерка притвор од 30 дена, наместо досегашниот осумдневен.
Во меѓувреме, Фондацијата „Македонија“, на чело со Виктор Стојанов, соопшти дека нема да ги одржи претходно најавените протести и блокади на трите гранични премини.