Со победа од 1-0 против Струга, фудбалскиот клуб „Вардар“ ја освои титулата во Првата лига. На социјалните мрежи се прошири видео на кое играчите и извршниот директор на клубот, Миленко Неделковски, ја слават титулата пеејќи вулгарна песна за Битолчани и пејачката Каролина Гочева, која е од градот.
Министерот за спорт Борко Ристовски го осуди „примитивизмот“ на играчите и Неделковски, повикувајќи ги да се извинат на јавноста. Фудбалската федерација соопшти дека започнува дисциплинска постапка за ова прашање, додавајќи дека одлуката ќе биде донесена во вторник.
Обвинителството вели дека ќе преземе соодветни мерки доколку Министерството за внатрешни работи го документира случајот и поднесе обвинение, велејќи дека законот предвидува граѓанска одговорност за клевета и навреда. Министерството соопшти дека иако во моментов нема официјален извештај за инцидентот, презема соодветни мерки во врска со видеата споделени на социјалните мрежи. Неделковски изрази став на социјалните мрежи.
“Во мое име пред сѐ, а и во име на клубот, ѝ се извинувам на Каролина Гочева бидејќи во еуфорична прослава испеавме стандардна, но за жал вулгарна, навивачка песна. Но, од машка гледна точка, а имајќи ја предвид Битола, кому таква песна да пееме? Нa Весна Бендевска ли? Во Вардар играат и работат мажи со префинет вкус”, стои во објавата на Неделковски.