На прашањето за потенцијалното олабавување на критериумите за интеграција за балканските земји, прес-службата на ЕК за РСЕ изјави дека проширувањето сега се гледа не само од аспект на економски придобивки, туку и во безбедносен контекст.
Портпаролот на ЕК потврдува дека идната интеграција на Украина во ЕУ е дел од мировните преговори, но Брисел одбива да го прејудицира исходот.
Кос е застапничка на преиспитување на правото на вето за идните членки, со цел полесна интеграција, изјави извор од ЕК за РСЕ.
Комесарката сè уште не зборувала јавно за таа можност, додека изворот од РСЕ посочува дека нејзиниот став нема целосна поддршка дури ни во ЕК.
Дополнително, неофицијални извори од ЕК проценуваат дека претседателката фон дер Лајен може да ја поддржи таквата идеја ако тоа е цената што треба да се плати за завршување на војната во Украина.
Владата на Северна Македонија за РСЕ изјави дека е подготвена да се прилагоди на можните промени во рамките на ЕУ.
„Во суштина, ова би значело членство и институционално присуство во ЕУ од 2027 година, но со ограничен капацитет за донесување одлуки, постепена и условна интеграција и силен мониторинг до целосно усогласување со европскиот систем. Како Влада, ние сме целосно свесни за динамичните промени што се случуваат и потребата разумно да ги предвидиме овие промени и да се прилагодиме на нив“, се истакнува во него.