„Наш државен интерес е изнаоѓање решение за спорот со Бугарија“, изјави министерот за надворешни работи Муцунски на прес-конференција во Скопјe со албанскиот колега Спиропали.
Како што нагласи, постои зголемена свест меѓу институциите и членките на ЕУ кога станува збор за специфичноста на македонскиот случај, кој не може да се спореди со ниту еден друг во поновата историја на интеграциите.
Муцунски е категоричен дека кога станува збор за напредок на патот кон ЕУ, потребна е некаква форма на институционална гаранција за заштита на македонскиот идентитет, јазик и историја.
Министерот, исто така, изјави дека за време на Самитот ЕУ-Западен Балкан, претставниците на Владата, на затворени состаноци, побарале промена на заклучоците од Преговорната рамка.
Сепак, тој истакна дека не може да сподели повеќе информации, и покрај тоа што рече дека ќе биде потребно време кога ќе дојде до одговорот од Брисел.