Потпретседателот на Собранието на Северна Македонија, Антонио Милошоски, ја предводеше парламентарната делегација што учествуваше на 4-тиот парламентарен самит на Кримската платформа, што се одржа во Стокхолм, Шведска.
Во своето обраќање на самитот, Милошоски рече дека секој парламент и секој поединец треба да најде начин да ја пренесе пораката на САД за потребата од континуирана поддршка за Украина сè додека не се постигне решение за долготраен мир.
„Многу е важно ЕУ да го направи следниот чекор и да ги започне преговорите за пристапување со Украина. Нашата земја, како и досега, ќе продолжи да ја поддржува Украина во рамките на своите можности – на воена, дипломатска и логистичка област“, рече Милошоски.