Претставници на јавните власти, Делегацијата на Европската Унија и Советот на Европа присуствуваа во петокот на отворањето на детско катче за млади посетители и семејства на затвореници во затворот Идризово.
Детското катче во затворот Идризово е четврто од ваков вид во земјата, по оние претходно отворени во затворите во Штип, Прилеп и Куманово, кои сите се опремени со поддршка на Европската Унија и Советот на Европа.
Раководителот на Управата за извршување санкции, Александар Пандов, ја истакна важноста на ова катче во процесот на ресоцијализација – особено имајќи предвид дека Идризово е единствениот затвор каде што жените ја издржуваат казната.
Заменик-шефот на Делегацијата на ЕУ во Северна Македонија, Бен Нупнау, го спомена најновиот Извештај на Европската комисија за земјата, кој укажува на постојаната потреба од подобрување на условите во затворите, особено во затворот Идризово.
Раководителот на одделението – Оддел за соработка во полицијата и лишување од слобода при Советот на Европа, Донче Бошковски, изрази надеж дека ова детско катче ќе го повтори успехот што досега го имавме во другите веќе опремени објекти низ целата земја.