Мицкоски поканет на инаугурацијата на Трамп

Македонскиот премиер Христијан Мицкоски е еден од европските лидери кои добија покана за присуство на инаугурацијата на Доналд Трамп за претседател на САД а 18 јануари.

Македонскиот премиер на 20 јануари ќе присуствува и на свеченоста насловена како „Гласови на слободата“ која ќе се одржи по инаугурацијата организирана од компаниите Трамп медиа и Рампл.

Најавено е дека за време на престојот во Вашингтон, македонскиот премиер ќе се сретне со Хауард Лутник, копретседавач на тимот за транзиција на претседателот Доналд Трамп и министер за трговија, Девин Нунес, претседавач со советодавното тело за разузнавање на претседателот Доналд Трамп и извршен директор на Трамп медиумската корпорација и со извршниот директор на Рамбл, Крис Павловски.

Можни се и средби со Ричард Гренел, пратеник за специјални мисии на претседателот на САД, со државниот секретар Марко Рубио и со Илон Маск, кој е назначен за шеф на Министерството за владина ефикасност.

Leave a Reply

Your email address will not be published. Required fields are marked *

*