Решен проблемот со водоснабдувањето Скопје, градоначалничката Арсовска изрази задоволство

Во саботата беше решен проблемот со водоснабдувањето во Скопје.

„По само неколку часа без вода, проблемот беше решен уште побрзо отколку што беше планирано“, рече градоначалничката Данела Арсовска. 160 вработени во ЈП „Водовод и канализација“ како и 150 лица за административна поддршка беа дел од активностите за санација и модернизација на главниот водовод.

Според Арсовска, решен е проблемот со слаб притисок на одредени локации, како и со честото пукање на цевките.

Таа додаде и дека се бесмислени обвинувањата од одредени политички партии дека главниот град ќе го остави неколку дена без вода.