„Иднината на Западен Балкан е во Европската Унија. Тоа е најважната геополитичка инвестиција што можеме да ја направиме. Во овие неизвесни времиња, повеќе од кога било, треба да работиме заедно“, рече претседателот на Европскиот совет Антонио Коста во пост на X во понеделникот, додавајќи дека со нетрпение го очекува Самитот ЕУ-Западен Балкан што ќе се одржи на 18 декември во Брисел.