Судскиот совет одговори на реакциите за процесот за предлагање членови на Управниот одбор на Академијата за судии и јавни обвинители.
„На јавната седница одржана на 24 октомври, Советот, транспарентно и отчетно, предложи членови на Одборот од редот на судиите кои се членови на Советот“, се вели во соопштението и се додава дека член 44 став 4 од Законот за спречување на Корупцијата и судирот на интереси не можеа да се применат во предметниот случај бидејќи членовите на Одборот беа од редот на судиите и јавните обвинители, кои, според законот, веќе беа претходно избрани и именувани функционери.