Одложени консултациите за реформите во системот за помилување

Иако за денеска се најавуваа експертиски консултации кај претседателката Силјановска за помилувањето, ваквите состаноци се одложени, според Сител.

Се работи за состаноци кои ги држела претседателката со сите поранешени членови на Комисијата за помилување и претставници на Министерството за правда уште од средината на септември.

Целта на овие консултации била да се направи целосна реформа во системот на помилување на осудени лица и да се изготват нацрт измени на Законот. Неофицијално, овие констулации се засега во застој додека не се избере нов состав на Комсијата за помилување, откако тековниот состав предводен од професорот Калајџиев викендов си поднесе оставка поради последните контроверзни помилувања.

Од друга страна, Сиљановска веднаш од викендов почнала дополнителни консутлации за нови членови на Комисија.

„Овие консултации се во тек. Се разговара со разни профили на луѓе, меѓу кои искусни и докажани правници“, велат од кабиентот на Силјановска.