„Не сме тука за писма и празни разговори“, му одговори Меџити на Ахмети

Ко-лидерот на ВЛЕН и прв вицепремиер Изет Меџити го критикуваше Али Ахмети за неговите писма до премиерот Христијан Мицкоски и меѓународните политичари.

„Ние не сме тука за писма и празни разговори. Доста слушнавме за тоа во минатото. И ние не сме тука да играме фудбал [упатување на минатогодишното видео на тогашните владејачки функционери од ДУИ, вклучувајќи ги тогашниот прв вицепремиер Артан Груби, тогашниот министер за надворешни работи Бујар Османи и тогашниот министер за економија Крешник Бектеши како играат фудбал во просториите на Министерството за политички систем]. Тука сме за конкретна работа, Коридор 8“, изјави тој и додаде дека е задоволен од динамиката што е во полн ек за реализација на проектот Коридор.