ЕУ одобри 13 милиони евра помош за армијата

Советот на ЕУ во средата соопшти дека усвоиле мерка за помош во рамките на Европскиот мировен фонд (ЕПФ) вредна 13 милиони евра со цел зајакнување на капацитетите и способностите на Армијата на Северна Македонија.

„Мерката за помош ќе ги зајакне капацитетите на Северна Македонија во однос на нејзиното учество во операциите и мисиите на Заедничката безбедносна и одбранбена политика на ЕУ (CSDP) и другите меѓународни мисии.

Денешната одлука дополнително ја илустрира зголемената поврзаност со Северна Македонија за безбедност и одбрана. Тоа ја одразува доследната посветеност на партнерите за унапредување на нивната соработка во оваа политичка област, во целосна усогласеност на Северна Македонија со Заедничката надворешна и безбедносна политика на ЕУ“, се додава, меѓу другото, во соопштението.