Муртезани ќе биде главен преговарач со ЕУ, Кос ќе биде комесар за проширување

На седницата на Владата во вторник, министерот за европски прашања Орхан Муртезани е назначен за главен преговарач со ЕУ.

За заменик главен преговарач е назначена Викторија Трајков. На седницата, исто така, Министерството беше задолжено да подготви нова одлука за формирање структура за преговори за членство во ЕУ.

Во Стразбур, претседателката на Европската комисија Урсула фон дер Лајен рече дека Словенката Марта Кос ќе биде комесарка за проширување, исто така одговорна за нашето источно соседство.

„Таа ќе работи на поддршка на Украина и продолжување на работата за реконструкција и ќе ги поддржи земјите-кандидати да ги подготват за пристапување“, рече таа.