Декларација на самитот: Западен Балкан од стратешко значење за НАТО

Во Декларацијата на Самитот во Вашингтон, издадена од шефовите на држави и влади кои учествуваат на состанокот на Северноатлантскиот совет во Вашингтон на 10 јули 2024 година, Западен Балкан е опишан како регион од стратешко значење за Алијансата.

„Западен Балкан и регионите на Црното Море се од стратешко значење за Алијансата. Остануваме силно посветени на нивната безбедност и стабилност.

Ние ќе продолжиме да го унапредуваме нашиот политички дијалог и практична соработка со Западен Балкан со цел да ги поддржиме реформите, регионалниот мир и безбедност и да се спротивставиме на малигните влијанија, вклучително и дезинформации, хибридни и сајбер закани, поставени и од државните и од недржавните актери“, се вели во дел од документот.