Муцунски го коментира прашањето за консултациите на амбасадорите

Во интервју за МТВ1 во Вашингтон, министерот за надворешни работи Тимчо Муцунски прашан за одлуките на Министерството за повикување на консултации амбасадорот во Италија, Весел Мемеди, амбасадорот во Албанија, Данчо Марковски и постојаниот претставник во ОН, Љубомир Фрчкоски, изјави дека има сериозни сомневања за несоодветна акција во текот на две од трите мисии.

„Во периодот што следи ќе работиме на транспарентна и законска процедура да утврдиме каде се направени грешки, дали се направени грешки“, рече тој.

Запрашан за реакцијата на Фрчкоски, тој рече дека Фрчкоски направил дополнителни и очигледни прекршувања на законите и подзаконските акти бидејќи правел јавни документи кои биле само за внатрешна употреба.

„Веројатно и тоа ќе се анализира“, нагласи тој.