ЗНАМ ги оквалификува внатрепартиските избори на СДСМ како нелегитимни

Портпаролот на ЗНАМ, Никола Мемов, во вторник изјави дека за јавноста е исклучително важен кој ќе ја води Владата.

Но, како што додаде, важно е и да има силен коректор на нејзините политики, односно силна опозиција. Во врска со изборот на Венко Филипче за нов лидер на СДСМ, тој рече дека членовите избрале „старо-нов“ шеф на партијата, сметајќи дека Филипче е шеф на Фондацијата Заев и близок деловен партнер на поранешниот партиски лидер.

„Тој е продолжена рака на кланот Заев“, истакна Мемов.

Исто така, ги оцени внатрепартиските избори на СДСМ како нелегитимни. Според него, има многу чесни и компетентни СДСМ-овци кои ја сакаат државата.

„Сепак, раководството на СДСМ во изминатите 11 години се откажа од принципите на АСНОМ и крушевските постулати како темел на македонската држава и народ“, истакна Мемов.

Портпаролот истакна дека вратите на ЗНАМ се отворени за сите чесни луѓе „кои ја сакаат Македонија и сакаат да придонесат за успешен развој на земјата“.