Петровска ќе влезе во трката за лидер на СДСМ

Пратеничката на СДСМ, Славјанка Петровска, ќе влезе во трката за лидер на СДСМ во рамки на внатрепартиските избори што ќе се одржат следниот месец.

Таа во четвртокот за ТВ 24 ја потврди информацијата. Во трката најверојатно ќе влезе и првиот човек на Дирекцијата за технолошко индустриски развојни зони Деспотовски, а меѓу потенцијалните кандидати според многу медиуми се и екс министерот за здравство Венко Филипче и директорот на Царинската управа Стефан Богоев.