ВМРО-ДПМНЕ поднесува кривична пријава против Спасовски: Оштетил граѓаните со обрасци за лични документи

ВМРО-ДПМНЕ до Јавното обвинителство поднесе кривична пријава за доскорешниот министер за внатрешни Оливер Спасовски, бидејќи како што велат од партијата, ги оштетил граѓаните и буџетот, најавувајќи обрасци за лични документи со старото име.

„Тој овој период од 12.02.2019 па сè до средината на 2021 година тој свесно и директно раководејќи со Министерството за внатрешни работи коишто впрочем ги издаваат овие документи нанесува штета на десетици илјади граѓани. И таа штета е и материјална и нематеријална штета. Две ипол години тој ја донесува македонската јавност, граѓаните на Република Македонија во заблуда со ова негово постапување“, изјави Игор Јанушев, пратеник и член на ИК на ВМРО-ДПМНЕ.

Од партијата очекуваат од Јавното обвинителство да ја прифати кривичната пријава и да отвори истрага за Спасовски.