Таравари го претркува Села и ги свика членовите во Куманово

Контраудар на Таравари по синоќешното разрешување на двајца директори кои му дадоа поддршка.

Се обидува да го претрка Зијадин Села, кој веќе закажа Централно Собрание во сабота и за утре во Куманово ги свика на состанок сите членови на Собранието од кои бара поддршка. Убеден е дека ќе се појават 70 отсто од членовите кои се веќе потпишани за негова поддршка. Ова дополнително ја вжешти внатрепартиската битка.

Министерот Кренар Лога, кој е близок до Села, сподели известување дека Таравари не свикал никакво Собрание, туку се работи за обична средба.

Се очекува Владата да побара Собранието да ги разреши и министрите за здравство и за информатичко општество, Фатмир Меџити и Азир Алиу, откако тие јавно порачаа дека нема да поднесат оставки од функциите.

Во синоќешните изјави, министрите обвинија дека директорите се разрешени нелегитимно, како и дека ДУИ извршиле пуч врз Алијанса. Тие можат да бидат разрешени на два начина – со предлог од техничкиот премиер и на барање на 20 пратеници. Но, и на двата начина, крајниот збор го има мнозинството во Собранието.

Овие случувања можат силно да ја разнишаат техничката влада, но екс-премиерот не верува дека таа ќе падне. Од таборот на Села во Алијанса попладнево известија дека Управниот совет на партијата со 5 од 7 гласа одлучил за министер за здравство да го предложи Илир Демири, актуелен директор на Клиничката болница во Тетово, а за министер за информатичко општество, Наим Бајрами, магистер по политички науки.

Leave a Reply

Your email address will not be published. Required fields are marked *

*