Првата координација на претседателот Митрески по изборот

Претседателот на Собранието Јован Митрески, ја одржа првата редовна понеделничка координација, по изборот на функцијата.

Како што соопштуваат од Собранието, покрај претставниците на пратеничките групи во Собранието, на координацијата присуствуваа и потпретседателите Горан Мисовски и Хусни Исмаили, генералната секретарка Цветанка Иванова и вицепремиерот за европски прашања Бојан Маричиќ, како претставник на Владата.

Присутни беа и заменик-координаторот на ПГ на СДСМ Диме Велковски, координаторот на ПГ на Алијанса на Албанците Аднан Незири и пратеникот на Левица, Борислав Крмов.

На средбата беа разгледани пристигнатите материјали во Собранието во изминатиот период, по што е закажана и првата нова седница, која ќе почне на 7-ми февруари. Како што беше заклучено, Собранието ќе продолжи со редовна динамика и во полн капацитет и во наредниот период, до почетокот на кампањата за изборите, така што за во деновите што претстојат ќе работат со пол интензитет и собраниските комисии.