Платформа за пријавување на исчезнати лица: najdime.org.mk

Обдукцијата е готова, но не и извештајот кој треба да потврди како и кога настапила смртта на Вања Ѓорчевска и на Панче Жежовски.

Од Обвинителството велат, официјално документ од судска медицина не добиле. Прибираат докази во поткрепа на нивната теорија на случај против осомничените.

За да не се повторуваат грабнувања со смртен епилог, се бара начин за рано предупредување за исчезнати лица. Преку платформата najdime.org.mk граѓаните може да пријават исчезнување, но истовремено пријава да поднесат и до МВР.

Годишно во земјава исчезнуваат околу 300 лица. Најголем дел од нив успешно се пронаоѓаат и безбедно се враќаат дома.