Ивановска (ДКСК): Невладеењето на законот главна причина за критиките од Европската комисија

Претседателката на Државната комисија за спречување на корупцијата (ДКСК) Билјана Ивановска во четвртокот на предавањето за борба против корупцијата во ОУ „Гоце Делчев“ во Тетово и ОУ „Перпарими“ во Речица рече дека неказнивоста и невладеењето на правото во системот се причина за критичкиот извештај на Европската комисија.

Според неа, за да се промени ситуацијата, најмногу се потребни промени во судството. Таа го повтори својот став дека работата на ДКСК е позитивно оценета во документот.

Како што додаде Ивановска, ако судскиот сектор е во ред, сите останати брзо ќе се средат „бидејќи тој сектор треба да произведе казнивост, додека најголемиот ризик од корупција, покрај политичкото влијание, е неказнивоста, односно невладеењето на закон“, изјави таа.

На прашањето дали ќе се отвори случај за потенцијална корупција, за обвинувањата од опозицијата за луѓе блиски до политичкиот систем и односите меѓу заедниците, Артан Груби и Националната лотарија, Ивановска рече дека работите се во тек.

„Треба да се направи анализа во однос на Министерството пред да кажеме што ќе биде понатаму“, истакна таа.