Сарацин се Сретна со Мицкоски во Скопје

Претседателот на ВМРО-ДПМНЕ Христијан Мицкоски, заедно со потпретседателот Александар Николоски и членот на ИК, Антонијо Милошоски оствари средба со специјалниот пратеник на Германија за Западен Балкан, Мануел Сарацин.

Како што соопштуваат од партијата, на средбата станало збор за актуелните политичко економски состојби во државата и реалните предизвици со кои се соочуваат граѓаните. Мицкоски истакнал дека со последните измени на кривичниот законик кој ги направи власта со европско знаменце всушност се подготвува за опозиција и директно ги амнестира своите кадри кои во ова гледаат начин да ја одбегнат правдата. Еден од најважните приоритети на идната Влада ќе биде борбата против корупција, истакна Мицкоски.

Мицкоски ги истакнал реалните проблеми на граѓаните како што се недостатоците во образование, немањето учебници, проблемите во економијата, високата инфлација и редица други неуспеси кои потврдуваат дека власта е далеку од споделувањето на европските вредности и цели. Разговарале и за уставните измени при што Мицкоски го реафирмирал ставот дека оваа влада нема легитимитет за таков чекор и дека прифаќање на бугарски диктат нема да се случи.