Посетата на Курти и Реакциите во Северна Македонија – Вјоса Османи Изразува Уверување во Надминување на Предизвиците

Во изјава пред новинарите за време на посетата на општина Драгаш, Вјоса Османи рече дека појавата на знаме на „Етничка Албанија“ меѓу поддржувачите на Курти во Тетово е само „потег на одреден граѓанин, а не нешто организирано“.

Вели дека реакциите во Северна Македонија на случувањата на собирите во Чаир и Тетово, за време на посетата на премиерот Албин Курти минатиот петок, се последица на недоразбирања, за кои изрази уверување дека двете соседни држави бргу ќе ги надминат, јави дописникот на МИА од Приштина.

„Потег на одреден граѓанин, а не нешто организирано… На собири никој од организаторите не го контролира секој граѓанин што има во рацете, но тоа е како принцип. Нормално, доколку институциите на Северна Македонија ги загрижува нешто, наше единствено барање како институции на Република Косово е сé да се направи согласно највисоките меѓународни стандарди за заштита на човековите права, согласно меѓународните стандарди за заштита на правата на немнозинските заедници, со почитување на државотворната улога на албанската заедница во Северна Македонија, улога која продолжува да ја игра и ден денес, а тоа го знаат и македонските институции,“ рече Османи.