Ковачевски: Заедно да ги донесеме одлуките и да дадеме глас за Европа, за македонска европска иднина

Премиерот Димитар Ковачевски, одржа редовна средба со лидерите на владината коалција.

На средбата во фокус беа стратешките приоритети на државата и важноста од влез во Европската Унија.

Во продожение изјавата на премиерот Ковачевски во целина:

„Почитувани претставници на медиумите,

Ви благодарам за денешното присуство.

Денеска одржавме средба со коалициските партнери и парламентарните и вонпарламентарните каде ги информирав колегите за работните средби кои ги имав во Њујорк и Вашингтон.

Носам силна, јасна и недвосмислена поддршка од САД за продолжување на европскиот пат на Северна Македонија. Од американскиот државен секретар Блинкен, добивме огромна поддршка и благодарност за тоа што сме докажан сојузник и партнер како на САД, на ЕУ и на НАТО – Алијансата. На средбите ја потврдивме и непрекинатата силна поддршка која ја добиваме од САД од независноста до денес.